БИШКЕК. 10-июлда болуучу президенттик шайлоого карата каттоодон өтүшкөн чет элдик байкоочулар жана журналисттер 9-июлда Гапар Айтиев атындагы Сүрөт музейинде Кыргызстандын тарыхы, маданияты менен таанышышты. Музейде кыргыз сүрөт чеберлеринин кыл калеминен жаралган чыгармалардан башка кол өнөрчүлүк, кийиз буюмдары, фото-сүрөт көргөзмөсү коюлган. Меймандарды “Камбаркан” фольклордук ансамбли кыргыз музыкасынын үлгүлөрү менен тааныштырды.
