Дүйнөнүн бир канча өлкөсүндө Кыргызстандын элчиликтери жана консулдуктары президенттик шайлоого даярдык көрүп жатышкан чак. Кыргызстандын жүздөгөн, балким миңдеген атуулдары жашаган Кошмо Штаттарында да шайлоо комиссиясы түзүлүп, 120дан ашык кыргыз атуулу шайлоого катышаары маалым болууда. Элчи Замира Сыдыкова 10-июлда 8ден-8ге чейин өтө турган шайлоого 5 байкоочу катышаарын, шайлоо комиссиясына жергиликтүү кыргыз жамаатынын өкүлдөрү да киргендигин билдирди. “Азаттыктын” Вашингтондогу штаб-квартирасында берген маегинде элчи айым ошондой эле кыргыз шайлоочуларын шайлоого активдүү катышып, атуулдук милдетин аткарууга чакырды. Элчиге кабарчыбыз Жаныл Жусубжан суроо салды.