БИШКЕК. Кыргызстандын Шайлоо Кодексине ылайык президенттик үгүт кампаниясы 9-июлда эртең мененки саат сегизде токтотулат. Президенттикке алты талапкер ат салышууда. БШКнын чечимине ылайык бешинчи июлдан тарта талапкерлер эки-экиден болушуп теле дебатка чыгышууда. Адегенде Токтайым Үмөталиева менен Жыпар Жекшеев, андан соң Турсунбай Бакир уулу менен Кеңешбек Дүйшөбаев теледебатка чыгышкан. 7-июль күнү кечинде Курманбек Бакиев менен Акбараалы Айтикеев теледебатка чыгышат.
