БИШКЕК. БШКнын календарлык планына ылайык 4-июлда президенттикке талапкерлердин бири-бири менен теледебаты башталды. Талапкерлердин теледебаты Улуттук телерадио корпорациясы аркылуу коомчулукка түз көрсөтүлүп турат. Президенттикке талапкерлер Жыпар Жекшеев менен Токтайым Үмөталиева теледебатка 4-июлда чыгышат. 5-июлда Турсунбай Бакир уулу менен Кеңешбек Дүйшөбаев ал эми 6-июлда Курманбек Бакиев менен Акбараалы Айтикеевдин теледебаты өткөрүлөт. Теледебат кечки саат сегиз жарымда башталып, эки саатка улантылат. Талапкерлердин теледебаты БШКнын отурумунда чүчүкулак кармоо жолу менен аныкталган.
