БИШКЕК. Кыргызстандагы президенттик шайлоого КМШнын байкоо жүргүзүүчү (СIS-EMO) уюму билдирүү таратты. Анда президенттикке талапкерлиги катталбай калган Урмат Барктабасовдун тарапкерлери тарабынан 17-июнда өкмөт үйүн басып алууга аракет кылгандарына аталган уюмдун жетекчилиги тынчсыздангандыгы айтылат. Алар биринчи вице-премьер-министрдин милдетин аткаруучу Феликс Куловдун “Атуулдар акыйкат шайлоо үчүн” демилгесин колдой тургандыктарын, алдыдагы президенттик шайлоодо Орусия, Украина, Молдавия, Казакстандан байкоочулар узак убакытка өз миссияларын аткарышаарын билдиришкен.
