БИШКЕК. 17-июнда Ак үйдү басып алууга аракет кылгандарга карата мыйзам чегинде чара көрүлөт. Мындай маалыматты ушул эле күнү Ички иштер министрлигинин маалымат кызматы таратты. Анда өкмөт үйүн басып алууга аракет кылгандардын ар бирине 800 сомдон акча таратылып, тамак-аш, суу берилди деген маалымат болгондугу кабарланып, Свердлов району боюнча эле 28 миң доллар таратылгандыгы мисалга келтирилген. Ал эми Урмат Барктабасовдун шайлоо штабынын координациялык кеңешинин мүчөлөрү мындай маалыматты расмий түрдө четке кагып, эч кандай акча таратылбагандыгын билдиришти.
