БИШКЕК. 3-июнда тышкы иштер министрлигинде министрдин милдетин аткаруучу Роза Отунбаева эл аралык уюмдардын өкүлдөрүнүн катышуусу менен Жалалабад облусундагы өзбек качкындарын башка жерге которуу маселесин талкуулады. Министрликтин маалымат кызматынын кабарлоосуна караганда, качкындарды башка жерге которуу маселеси негизинен чечилди. Анжиян окуясынан кийин Кыргызстанга качып келген 541өзбек атуулунун 482си учурда Жалалабад облусундагы Тешикташ деген жерде турушат.
