АКШнын мамлекеттик катчысынын жардамчысы, АКШнын Кыргызстандагы мурдагы элчиси Жон О Киф учурда Кыргызстанда жүрөт. 2-июнда Президенттин милдетин аткаруучу Курманбек Бакиев, вице-премьер-министрдин милдетин аткаруучу Ишенгүл Болжурова аны менен жолугушту. Жолугушууда тараптар эки тараптуу кызматташтыктын багыттарын талкуулады. Өкмөттүн маалымат каражаты тараткан кабарга караганда, О Киф жолугушууларда Кыргызстанда акыйкат жана демократиялуу өлкө курулаарына ишенимин билдирди. Жолугушууларга АКШнын Кыргызстандагы азыркы элчиси Стивен Янг катышты.
