БИШКЕК. 1-июнда президенттикке талапкерлерди колдогон атуулдардын чогулган колун областтык жана Бишкек, Ош шаардык шайлоо комиссияларына тапшыруу мөөнөтү аяктайт. 31-майда бул тууралуу Борбордук шайлоо комиссиясы эскертип, бир атуул бир нече талапкерди колдоп кол коюуга, бирок бир талапкер үчүн бир гана жолу кол коюуга укуктуу экендигин билдирди. Андан тышкары шайлоо комиссиялары коюлган колдордун аныктыгын текшергенден кийин ага тиешелүү протокол менен БШКга жолдоорун эскертти.
