БИШКЕК. Бишкектеги Орусия элчилигинин алдына 15тен ашуун адам нааразылык акциясына чыгышты. Алар Орусиядагы кыргыз эмгек мигранттарынын оор абалы жана мындан төрт ай мурун Свердловск облусунун Рубцовка станциясында камакка алынган жаш балдары бар Динара Аманкожоеваны бошотуу маселесин коюшту. Пикетке чыккан эмгек мигранттарынын айтымында, Аманкожоева кээ бир атуулдардын көрсөтмөсү менен негизсиз камакка алынган. Орус элчилигинин өкүлдөрү бул маселени иликтеп көрүп, мүмкүн болсо жардам берилерин билдирди.
