Грузия менен Орусия ортосундагы мамилелер курчуп баратат. Европадагы коопсуздук жана кызматташуу уюмунун 1999-жылы Ыстамбулда өткөн бийик жолугушуусунда Маскөө өзүнүн Грузиядагы эки аскерий базасын өлкөдөн чыгарып кетүүгө макул болгон. Бирок ал ишти улам создуктургандыктан, Тбилиси - базалар качан чыгарылаар мөөнөтү 15-майга чейин аныкталууга тийиш деген талап койду. Орусиянын тышкы иштер министринин орун басары Валерий Лощинин аны бүгүн четке кагып, эгер Тбилиси Маскөөгө талап коем десе, ага каршы катуу чралар көрүлүшү мүмкүн деп билдирди.
