Кечээ күнү Улуу Британияда парламенттик шайлоо өткөрүлдү жана алгачкы маамалыматтарга караганда, биринчи орунда бийликтеги Лейбористтик партия келатат. Эгер алар жеңишке жетишсе, премьер-министр Тони Блэр удаасы менен үч шайлоону уткан биринчи лейборист жетекчи болот. Анын атаандаштары - Консерваторлор партиясынын төрагасы Майкл Говард жана либерал-демократтардын башчысы Чарльз Кеннеди. Кечээ күнү добуш берүү учурунда Нью-Йорктогу британиялык консулдук алдында эки майда жарылуу болду, эч ким жапа чеккен жок.
