Ирандын Тышкы иштер министрлиги бүгүн тараткан маалыматка караганда, өлкөдө жакын арада кээ бир өзөктүк изилдөөлөр жандантылат. Европа Биримдигинин өкүлдөрү менен бир нече сүйлөшүү жүргүзүлгөндөн кийин Иран андай изилдөөлөрдү 2004-жылдын аягында убактылуу токтоткон, бирок эми - андан зыян тартып жатканы тууралуу билдирүүдө. Нью-Йорктогу конференцияда Өзөктүк кубат боюнча эл аралык агенттиктин башчысы кечээ күнү Тегеранга кайрылып, изилдөөлөрдү баштабоону суранды. Ирандын айтымында, анын өзөктүк программасы эч аскерий максатты көздөбөйт.
