БИШКЕК. Кыргызстандын Башмыйзамынын 44-беренесине ылайык 50 миң шайлоочунун колун топтогон жаран президенттик шайлоого талапкер катары каттала алат. Ал эми Борбордук шайлоо комиссиясынын маалыматына караганда, президенттикке талапкерлерди көрсөтүү 26-майга ал эми шайлоочулардын колун топтоо 2-июнга чейин улантылат. Ошондой эле президенттикке талапкерлерди каттоо 13-июнда соңуна чыгып, шайлоо алдындагы үгүт жөрөлгөсү 14-июндан 9-июлга чейин жүргүзүлөт. Президенттик шайлоо 10-июлда өткөрүлөт. Буга чейин он чакты атуул президентттикке талапкер катары катыша тургандыгын жарыялашты.
