Өкмөттүк аскерлердин өкүлү ырастагандай, Зобул провинциясындагы айыгышкан атышуулар маалында буктурмада жаткан талиптерден сегиз киши өлүп,он алтысы туткунга алынды. Алардын арасында чечендер жана араптар бар экени айтылат. Операцияга америкалык аскери авиация колдоо көрсөттү. Ушул эле күнү Кубадагы Гуантанамо базасынан америкалыктар оогандык он жети туткунду бошотуп, Кабул өкмөтүнө өткөрүп беришкени кабарланды.
