19-апрель күнү ЕврАзЭстин башкы катчысы Григорий Рапота Кыргызстанга иш сапары менен келди. Ал түшкө чейин Жогорку Кеңештин депутаттары менен жолугушту. Түштөн кийин Кыргызстандын премьер-министри жана президенттин милдетин аткаруучу Курманбек Бакиев, вице-премьер-министрдин милдетин аткаруучу Адахан Мадумаров менен жолугушту. Анын жүрүшүндө Кыргызстандын экономикасын көтөрүү үчүн апкелинүүчү инвестициялар, ЕврАзЭстин үстүбүздөгү жылдын июнь айында болуучу мамлекеттер аралык кеңеши тууралуу сөз болду.
Евразия экономикалык кызматташуу уюмунун башкы катчысы Григорий Рапота түшкө чейин Жогорку Кеңеш төрагасы Өмүрбек Текебаев менен жолугушуп, ЕврАзЭс менен кыргыз парламентинин кызматташуусунун негизги багыттарын талкуулашты.
Түштөн кийин Евразия экономикалык кызматташуу уюмунун башкы катчысы Григорий Рапота Кыргызстандын президентинин милдетин аткаруучу, премьер-министр Курманбек Бакиев жана эларалык мамилелер боюнча вице-премьер-министрдин милдетин аткаруучу Адахан Мадумаров менен жолугушту.
Жолугушууга журналисттер катыштырылган жок. Бирок кийин Рапота менен Мадумаров журналисттердин суроолоруна жооп беришти. Рапотанын айтымында, Кыргызстандагы кырдаал ЕврАзЭстин кыргыз мамлекети менен иш алып баруусуна чек коё албайт:
-Азыр Евразия экономикалык кызматташуу уюмунда бир кыйла жакшы иштер жүруп жатат. Ошондуктан мамлекеттерде болуп жаткан саясий өзгөрүүлөр, шайлоолор жана башка саясий окуялар буга жолтоо болушун каалабайт элек. Буга байланыштуу Кыргызстандын жаңы бийлиги менен буга чейин жүргүзүлүп келген ишти аягына чыгаруу керек эле. Анын үстүнө инвестиция жана укук тармактары боюнча биз Кыргызстан менен чогуу алып бара турган иштер бар.
Григорий Рапота эмки жумада Алматы шаарында ЕврАзЭстин туруктуу өкүлдөрүнүн комиссиясы өтөрүн, ал эми үстүбүздөгү жылдын жай айларында мамлекет башчыларынын катышуусу менен ЕврАзЭстин мамлекеттер аралык кеңеши болору тууралуу да кабарлап кетти.
Жолугушуу мезгилинде мындан тышкары Кыргызстанга тартылуучу инвестициялардын айланасында да сөз болгон. Евразия экономикалык кызматташуу уюмунун башкы катчысы белгилеп өткөндөй, 2003-жылы түзүлгөн келишим боюнча, Кыргызстан менен Тажикстандын суу-энергетика ресурстарын чогуу өздөштүрүү, Уралдагы тоо-кен компаниясы аркылуу Кыргызстандагы пайдалуу кендерди иштетүү жана Ысыккөлгө эларалык аба майданын куруу тууралуу маселелер аягына чыкмакчы:
-Кыргызстандын экономикасын өнүктүрүү - өзгөчө ушундай принципиалдуу, негизги тармактар боюнча--бул биринчиден мамлекеттин өнүгүшү, өлкөнүн тынчтыгын бекемдөө жана демократиялык институттардын кызматташуусун өнүктүрүү болуп саналат.
Анын сөзүн Адахан Мадумаров кубаттады. Анын айтымында, ортодогу кызматташуу уланат:
-Бүгүнкү жолугушуунун Кыргызстан үчүн өтө чоң мааниси бар. Биринчиден, буга чейин инвесторлор келбейт деп коркутуп келишкен, тескерисинче кыргыз мамлекетине инвесторлордун кызыгуусу күчөп жатат. Бир топ кызыктуу долбоорлорду эмне себептен ушул мезгилге чейин кыргыз өкмөтү аны алга жылдырбай келгени түшүнүксүз. Эми мындан аркы кызматташууда алардын баарын ишке ашырууга аракет кылабыз. Бул долбоорлордун ичинен эң алгач Ысыккөлдөгү эларалык аба майданын куруу, Терексай алтын кенин иштетүү, Макмал алтын кенинин кубаттуулугун көбөйтүү, Жерүй кени жана Кайыңдыдагы кабель заводун ишке киргизүү боюнча долбоорлор ишке ашырылмакчы.
Адахан Мадумаровдун сөзү боюнча келишимдерди ишке ашырууда Кыргызстандын кызыкчылыгы биринчи орунга коюлмакчы:
-Келишимдерди түзүп жатканда жана ишке ашырууда Кыргызстандын кызыкчылыгына доо кетпей тургандай кылып иш алып баруубуз керек. Бул талаптарды ЕврАзЭстин өкүлдөрү да түшүнүү менен кабыл алышты.
Евразия экономикалык кызматташуу уюму 2000-жылы бажы биримдигин, бирдиктүү экономикалык мейкиндикти түзүү, уюмга баш кошкон мамлекеттердин дүйнөлүк экономикага жана эларалык соода системасына кирүү жараяндарын өнүктүрүү максатында түзүлүп, анын курамына Белорусия, Казакстан, Кыргызстан, Орусия жана Тажикстан киришет.
Түштөн кийин Евразия экономикалык кызматташуу уюмунун башкы катчысы Григорий Рапота Кыргызстандын президентинин милдетин аткаруучу, премьер-министр Курманбек Бакиев жана эларалык мамилелер боюнча вице-премьер-министрдин милдетин аткаруучу Адахан Мадумаров менен жолугушту.
Жолугушууга журналисттер катыштырылган жок. Бирок кийин Рапота менен Мадумаров журналисттердин суроолоруна жооп беришти. Рапотанын айтымында, Кыргызстандагы кырдаал ЕврАзЭстин кыргыз мамлекети менен иш алып баруусуна чек коё албайт:
-Азыр Евразия экономикалык кызматташуу уюмунда бир кыйла жакшы иштер жүруп жатат. Ошондуктан мамлекеттерде болуп жаткан саясий өзгөрүүлөр, шайлоолор жана башка саясий окуялар буга жолтоо болушун каалабайт элек. Буга байланыштуу Кыргызстандын жаңы бийлиги менен буга чейин жүргүзүлүп келген ишти аягына чыгаруу керек эле. Анын үстүнө инвестиция жана укук тармактары боюнча биз Кыргызстан менен чогуу алып бара турган иштер бар.
Григорий Рапота эмки жумада Алматы шаарында ЕврАзЭстин туруктуу өкүлдөрүнүн комиссиясы өтөрүн, ал эми үстүбүздөгү жылдын жай айларында мамлекет башчыларынын катышуусу менен ЕврАзЭстин мамлекеттер аралык кеңеши болору тууралуу да кабарлап кетти.
Жолугушуу мезгилинде мындан тышкары Кыргызстанга тартылуучу инвестициялардын айланасында да сөз болгон. Евразия экономикалык кызматташуу уюмунун башкы катчысы белгилеп өткөндөй, 2003-жылы түзүлгөн келишим боюнча, Кыргызстан менен Тажикстандын суу-энергетика ресурстарын чогуу өздөштүрүү, Уралдагы тоо-кен компаниясы аркылуу Кыргызстандагы пайдалуу кендерди иштетүү жана Ысыккөлгө эларалык аба майданын куруу тууралуу маселелер аягына чыкмакчы:
-Кыргызстандын экономикасын өнүктүрүү - өзгөчө ушундай принципиалдуу, негизги тармактар боюнча--бул биринчиден мамлекеттин өнүгүшү, өлкөнүн тынчтыгын бекемдөө жана демократиялык институттардын кызматташуусун өнүктүрүү болуп саналат.
Анын сөзүн Адахан Мадумаров кубаттады. Анын айтымында, ортодогу кызматташуу уланат:
-Бүгүнкү жолугушуунун Кыргызстан үчүн өтө чоң мааниси бар. Биринчиден, буга чейин инвесторлор келбейт деп коркутуп келишкен, тескерисинче кыргыз мамлекетине инвесторлордун кызыгуусу күчөп жатат. Бир топ кызыктуу долбоорлорду эмне себептен ушул мезгилге чейин кыргыз өкмөтү аны алга жылдырбай келгени түшүнүксүз. Эми мындан аркы кызматташууда алардын баарын ишке ашырууга аракет кылабыз. Бул долбоорлордун ичинен эң алгач Ысыккөлдөгү эларалык аба майданын куруу, Терексай алтын кенин иштетүү, Макмал алтын кенинин кубаттуулугун көбөйтүү, Жерүй кени жана Кайыңдыдагы кабель заводун ишке киргизүү боюнча долбоорлор ишке ашырылмакчы.
Адахан Мадумаровдун сөзү боюнча келишимдерди ишке ашырууда Кыргызстандын кызыкчылыгы биринчи орунга коюлмакчы:
-Келишимдерди түзүп жатканда жана ишке ашырууда Кыргызстандын кызыкчылыгына доо кетпей тургандай кылып иш алып баруубуз керек. Бул талаптарды ЕврАзЭстин өкүлдөрү да түшүнүү менен кабыл алышты.
Евразия экономикалык кызматташуу уюму 2000-жылы бажы биримдигин, бирдиктүү экономикалык мейкиндикти түзүү, уюмга баш кошкон мамлекеттердин дүйнөлүк экономикага жана эларалык соода системасына кирүү жараяндарын өнүктүрүү максатында түзүлүп, анын курамына Белорусия, Казакстан, Кыргызстан, Орусия жана Тажикстан киришет.