Ливандын жаңы премьер-министрлигине көрсөтүлгөн Нажиб Микати бүгүн эл алдында чыгып сүйлөп, жакын арада жаңы парламенттик шайлоо өткөрүлөөрү тууралуу билдирди: "Жасай турган иш көп, алардын ичинен үч нерсени негизги деп атаса болот, алар - парламенттик шайлоо, Рафик Хариринин өлтүрүрлүшүн иликтөө жана экономикалык абалды оңдоо", - деди жаңы премьер. Ливандагы шайлоо май айына белгиленген, бирок Микати анын так мөөнөтүн атаган жок. Өлкөнүн мурдагы премьер-министри Харири 14-февралда өлтүрүлгөндөн кийин Ливанда митинг-демонстрациялар башталып, өкмөт толугу менен кызматынан чегинген.
