ЕККУнун төрагасы Димитрий Руппел Аскар Акаевди президенттик кызматын формалдуу аяктоого чакырды. Кыргызстандын өткөөл президенти Курманбек Бакиев менен бүгүн Бишкекте жолугушкан Руппел ошол эле мезгилде Акаев Кыргызстандагы саясий турмуштан четтетилиши керек эмес деген пикирин билдирди. Словениянын тышкы иштер министри болуп иштеген Дмитрий Руппел ошондой эле кыргыз жетекчилиги азыр 26-июнда президенттик шайлоо өткөрүүгө даярданышы керек деди.
