БИШКЕК. Ош облусундагы №41 Карасуу шайлоо округу боюнча талапкер Байыш Юсуповдун 17-мартта район борборуна чогулган жактоочулары тараган жок жана 18-мартта алардын саны миңге жетти. Алар митинг өткөрүшүп, Карасуу райондук соттун чечимин жокко чыгарууну талап кылышты. Райондук сот 16-мартта Байыш Юсупов көп добуш алган төрт участоктогу добуш берүүнүн жыйынтыгын жокко чыгарган болчу. Мындай маалымат райондук ички иштер бөлүмүнөн алынды.
