ОШ. Ош облустук акимчилигинин алдында өтүп жаткан нааразылык акциясында «Атажурт» кыймылынын теңтөрайымы Роза Отунбаева чыгып сөз сүйлөп, өлкөдө түзүлгөн саясий кырдаалга баа берди. Саясатчы шайлоонун таза эмес өтүшү, оппозициялык лидерлерди ачык куугунтуктоо Кыргызстандагы демократиянын коркунучта экендигинен кабар берет деген пикирин билдирди. Президент Аскар Акаевди бийликтен кетирүү боюнча Ош облустук штабынын башчысы Дүйшөнкул Чотонов Ош облустук акимчилигинин алдында турган нааразылык акциясынын катышуучуларынын саны күндөн күнгө көбөйүп Өзгөн, Каракулжа райондорунан атуулдар келип, кошулуп жаткандыгын билдирди.
