Полициянын маалыматтарында жан кечти бомбасын дискотекага кире бериш жерде жардырганы айтылат. Бери эле дегенде төрт киши набыт кетип, он чактасы жарадар болду. Бул окуя 8-февралда Израил премьери Ариэл Шарон менен палестин лидери Махмуд Аббас жарашуу тууралуу келишим түзгөндөн берки биринчи кыянат болду. Махмуд Аббас кыянатчылыкты кескин айыптап, шашылыш түрдө коопсуздук кеңешин чакырды. Израил бийликтери палестин жетекчилигин террорду токтото албаганы үчүн сынга алды.
