БИШКЕК. 25-февралда Астана шаарындагы жолугушууда Шанхай кызматташуу уюмуна кирген өлкөлөрдүн тышкы иштер министрлери бир катар документтерге кол коюшту. Бул тууралуу Казакстандын маалымат каражаттары кабарлады. Маалыматка караганда, министрлер ШКУнун катчылыгы менен АСЕАНдын катчылыгынын ортосунда түшүнүшүү тууралуу меморандумга, КМШнын аткаруу комитети менен ШКУнун катчылыгынын ортосунда түшүнүшүү тууралуу дагы бир меморандумга жана ШКУ менен Ооганстан ислам республикасынын байланышын тейлөөчү регламентке кол коюшкан. Казакстандын башкалаасында өткөн жолугушууга Кыргызстандын тышкы иштер министри Аскар Айтматов катышып, тийиштүү документтерге кол коюп кайткан.
