КАРАКОЛ. Бул тууралуу облустук шайлоо комиссиясынын төрагасы Жоомарт Барктабасов билдирди. Анын айтымында №72 Каракол, №73 Аксуу жана №74 Жетиөгүз округдук шайлоо комиссияларынан Жогорку Кеңештин депутаттыгына талапкерлердин ишенимдүү адамдарынан, ошондой эле талапкерлердин өздөрүнөн шайлоочулардын добуштарын сатып алуу максатында акча, арак тараткан, мал союп элди сыйлаган талапкерлер жөнүндө арыз даттануулар түшө баштады. Бирок шайлоо комиссиясы текшерген убакта арызда көрсөтүлгөн мындай фактылар аныкталган жок.
