Кыяс Молдокасымов, Бишкек Жакында 28-январда Оруссиянын «Независимая газетасына» басылган маегинде Мамлекет башчысы Аскар Акаев: «Учурда элдин 65% менин кетишими каалабайт, соңку кездерде эл арасында кадыр баркым өтө жогорулады. Оппозициячыл саясатчылардын жүргүзгөн иликтөөсү боюнча азыр менин рейтингим эл арасында 43% ды түзсө, Курманбек Бакиевдики болгону 6% ды ал эми Адахан Мадумаровдуку 3 гана пайызды түзөт» деп билдирди. Мамлекет башчысынын бул көз карашы коомчулукта ар кыл талаш-тартыштарды жаратып жатат.
