ВАШИНГТОН. АКШнын мамлекеттик катчысы болуп дайындалган Кондолиза Райс президент Буштун администрациясы кызматынын экинчи мөөнөтүндө дипломатияга басым жасай турганын билдирди. Райс америкалык дипломатия тынчтык менен күч саясатынын ортосунданы тең салмакты сактай турганын билдирди. Райс бүгүн Сенаттын тышкы байланыштар комитетинин суроолоруна жооп берет. Райс президенттин коопсуздук маселелери боюнча кеңешчиси болуп турган чакта Ирактагы согуш маселесинде кандай роль ойногондугу жөнүндө катаал суроолорго туш болушу ыктымал.
