Акыркы эки аптанын ичинде эле Вьетнамда бул дарттан каза тапкан үчүнчү адам катталды. Ал эми бир жыл ичинде "канаттуунун сасык тумоосунан" көз жумгандардын саны 23кө жетти. Дүйнөлүк Саламаттыкты сактоо уюму бул жерде ай календары боюнча Жаңы жылды майрамдоо учурунда эпидемия чыгып кетүү коркунучу бар экенин эскертүүдө. Себеби майрам учурунда канатуунун эти өтө көп сатылат. Декабрдын башынан бери эле өлкөнүн тоок фермаларында алтымыш миңге жакын канаттуу кырылган.
