Кыяс Молдокасымов, Бишкек Парламенттик шайлоо жакындаган сайын элдин ынтымагы ыдырап, жер-жерлерде бөлүнүү күчөп жатканын байкоочулар белгилеп келет. Ушундай бөлүнүүгө бөгөт коюу үчүн профессор Айдарбек Көчкүнов ар бир талапкер чүчү кулак кармоо жолу менен өз районунан эмес, башка чөлкөмдөн ат салышса маселе чечилээрин жазып келсе, жазуучу Чолпонбек Абыкеев ага кошула албасын билдирип, жалпы улуттун кызыкчылыгына төп келе турган мыйзам керек дейт. Бишкек студиясында уюштурулган кезектеги «Бетме-бет» берүүсүндө ушул маселе талкууга алынмакчы.
