1-январда кытайлык 29 укук коргоочу Фалуңгоң деп аталган руханий топко бийликтердин жасап жаткан кысымына каршылыгын билдиришти. Ли Жиаң башында турган жаш укук коргоочулар бул проблемага парламенттин көңүлүн бурууга аракет кылып жаткан адвокат Гао Жишеңди колдоп атышат. Адвокат Гао аталган уюмдун өкүлү Гуаң Вейди сотто коргогон. Гуаң Вейдин өзү болсо 1999-2002-жылдарда түрмөдө отурган жана былтыркы апрелде кайрадан камакка алынган. Кытайдын бийликтери болсо Фалуңгоң уюмунун ишине коркунучтуу топ катары тыюу салып койгон.
