БИШКЕК. Кыргызстанда бейөкмөт уюмдардын укугу менен менен мүдөөсүн камсыздоого негиз жок. Мындай пикирин «Кылым шамы» бейөкмөт уюмунун жетекчиси Азиза Абдрасулова билдирди. Анын билдирүүсү боюнча, мындай бүтүм АКШнын ЮСАИД агенттигинин билим берүүнү өнүктүрүү академиясынын чакыруусу менен Польшанын Варшава шаарында өткөн семинарына катышкандан кийин пайда болду. Аталган семинарда бейөкмөт уюмдар менен саясий партиялардын көз карандысыз кызматташуусу талкууланып, тажрыйба алмашуу болду. Көп партиялуу система өкүм сүргөн Польшадагы бейөкмөт уюмдар шайлоо алдында өз мүдөө, максаттарын саясий партияларга билдирип, аны аткарууга милдеттендиришет. Жеңишке жеткен партиялар кийин аларды чечүү аракеттерин көрөт. Ал эми бейөкмөт уюмдар мамлекеттин казынасына түшкөн салыктын 1 процентине ээ.
