Ооганстандын коопсуздук кызматынын билдирүүсүндө, кечээ күнү Кандагар шаарында Талибандын мурдагы аскерий жетекчилеринин экөө кармалды. Туткунга түшкөндөр - Кандагар провинциясындагы Талибандын мурдагы жетекчиси Тор Мулла Накви жана анын орун басары Мулла Кайым. Кармалгандардын жанында маанилүү документтер дагы табылды деп айтылууда. Эки кармалган адамдан тышкары 200 килограммга жакын жардыруучу зат алып бараткан адам дагы колго түштү.
