Москвага бүгүн Люксембургдун Премьер-министри Жан-Клод Юнкер кызмат сапары менен келди. Январдан тартып Люксембургга Европа Биримдигиндеги төрагалык өтөт, ошол себептүү Юнкер менен президент Владимир Путиндин жолугушуу учурунда Орусия менен Европа Биримдиги ортосундагы байланыштар кеңири талкууланды. Москвага келээр алдында Юнкер Хельсинкиде журналисттер менен жолугуп, Европа Биримдигинин максаттарын жана саясатын Москва жакшы түшүнбөйт деп билдирген.
