БИШКЕК. 9-декабрда НАТОнун штаб квартирасында НАТОнун Евроатлантикалык өнөктөштүк кеңешинин тышкы иштер министрлеринин жолугушуусу болот. Кыргызстандан бул иш чарага тышкы иштер министри Аскар Айтматовдун катышуусу жана сөз сүйлөшү болжолдонуп жатат. Тышкы иштер министрлигинин басма сөз кызматынын маалыматына караганда, Евроатлантикалык өнөктөштүк кеңешине мүчө мамлекеттердин тышкы саясат башчыларынын жолугушуусунда Борбор Азияда, Кавказ жана Балкан аймагындагы коопсуздук маселелери талкууланып, аймактык жана эл аралык кызматташтык жаатында пикир алышат.
