КАРАКОЛ. Каракол шаарынын вице-мэри Жылдыз Турусбекованын пикиринде, шаар тазалыгы тигил, же бул тиешелүү жетекчи органдарынын эле милдетине кирбейт, бул ишке калаа тургундарын тартуу керек. Маселен, кайрымдуулук марафондорун да өткөрүп, ортого чогулган акча каражатын таштандыларды чыгарууга, арыктарды тазалоого жумшоо зарыл. Ал эми “Лидер” коомдук бирикмесинин менеджери Аида Курбанова 62 миңден ашуун калк жашаган облустун борбор калаасынын антисанитариялык абалын жыл бою жакшыртуунун чараларын эл аралык донорлук уюмдар аркылуу чакан гранттар утуп алуу мүмкүнчүлүктөрүнөн көрөрүн билдирди.
