ТОНГИ/БАНГЛАДЕШ. Бангладешке дүйнө өлкөлөрүнүн миңдеген мусулман динаятчылары чогулууда. Бисва Ижтема деген жылдык жыйынга чогулган мусулмандар жума күндөн тартып, үч күн бою Тонги шаарында Тураг дайрасынын жээгинде диний аалымдардын Кураани Карим жөнүндө айткандарын угуп, куран окушат. Тонгидеги жыйын 1966-жылдан бери жыл сайын өткөрүлүп келатат. Анын уюштуруучусу, Таблик Жамаат деген диний уюшманын өкүлү бул жолку чогулуш жекшемби күнү жамаат намазы менен аяктай турганын билдирет. Намазга өлкөнүн президенти менен премьери да катышат.
