БИШКЕК. Эртең Бишкекте өкмөт үйүндө премьер-министр Николай Танаев жана өкмөттүн бардык мүчөлөрү журналисттердин суроолоруна түз эфирде жооп беришет. Кыргызстандагы эркин жана мамлекеттик массалык маалымат каражаттарынын өкүлдөрү өлкөдөгү саясий, экономикалык абалга, социалдык маселелерге байланыштуу, тышкы карыз, чет өлкөлүк инвестициялардын пайдаланылышы жана башка тармактардагы көйгөйлөр боюнча суроолорун тиешелүү министрликтердин жетекчилерине жолдошот. Бул тууралуу бүгүн премьер-министрдин маалымат кызматынан билдиришти.
