БИШКЕК. Эртең Бишкекте өлкөдөгү мамлекеттик мекемелердин маалымат кызматтарынын ишмердүүлүгүнө арналган семинар өтөт. Семинар Бириккен Улуттар Уюмунун Өнүктүрүү программасынын демилгеси менен уюштурулууда. Анда президенттин администрациясынын, өкмөт аппаратынын, министрликтер, мамлекеттик комитеттер жана администрациялардын маалымат кызматтарынын ишмердүүлүгүн жакшыртуунун жолдору, алардын ишиндеги жетишкендиктер жана кемчиликтер жөнүндө сөз болот. Буга чейин БУУнун Өнүктүрүү программасынын колдоосу менен маалымат кызматтарынын ишмердүүлүгүнө арналган эки семинар өткөн.
