Бүгүн түшкөн маалыматтарга караганда эки миңдей адам, көбүнесе аялдар милиция жана салык кызматкерлерин сабашып, милицияга караштуу бир нече машинаны оңторуп, өрттөп салышкан. Импорттолгон товарларды сатуу үчүн киргизилген жаңы эрежелерге нааразылык билдирген адамдар ошондой эле жергиликтүү бийликтин имаратына таш ыргытышты. Тополоңго тартылгандардын көпчүлүгү арзан баадагы кытай товарларын саткан соодагерлер. Тополоң милиция жана салык кызматкерлери сапаты начар товарларды конфискациялоо үчүн Кокондун базарларынын бирине келгенде башталган.
