Анбар провинциясындагы кагылышууларда АКШнын 8 аскери набыт кетип, дагы тогузу жарадар болгону маалымдалды. Бүгүн эртең менен Багдаддын борбордук бөлүгүндө күчтүү жардыруу болуп, жети киши мерт болуп, 19 адам жараат алганын полиция маалымдады. "Ал-Арабия" телеканалынын имараты алдында болгон жардыруу үчүн жоопкерчиликти буга чейин беймаалым "1920-бригада" аттуу уюм өзүнө алды. Ирактын утурумдук өкмөтү Фаллужанын бийликтери менен козголоңчулардын кыймылын токтотуу боюнча сүйлөшүү өткөрүүдө. Ишембиде Киркук калаасында Сомалилик айдоочу барымтага алынганы кабарланды.
