Ирактагы убактылуу өкмөттүн премьери Ияд Аллави бу окуяны жексур кылмыш деп атады жана ирак жоокерлеринин коопсуздугун камсыз кылууда коалицияны чоң шалаакылык кылганы үчүн айыптады. Өткөн ишемби күнү машыгуучу жайдан курал-жараксыз Багдадга кайтып келаткан жоокерлер буктурмага кабылган эле. Жасатта жаткандар кырк тогуз аскерди жана үч айдоочуну боо түшүрүп атып салышты. Бул иш үчүн жоопкерчиликти Абу Мусаба аз-Заркавинин тобу өзүнө алды. Ишемби күнү иорданиялык бир киши барымтадан бошотулганы кабарланды. Ал он үч күн туткунда жатты, барымтачылар анын үй-бүлөсүнөн кунпул алышкан.
