БИШКЕК. 26-октябрда Кыргызстанга Эл аралык валюта корунун Кыргызстан боюнча миссиясынын башчысы Тапио Саавалайнен келет. Ал Бишкекте президент Аскар Акаев жана өкмөт башчы Николай Танаев баш болгон расмий өкүлдөр менен жолугушуп, Кыргызстандагы социалдык-экономикалык кырдаал менен таанышат. Бул тууралуу жума күнү валюта корунун Бишкектеги өкүлчүлүгүнөн кабарлашты. Кыргызстан менен Эл аралык валюта кору түзгөн үч жылдык программа ушул мезгилде соңуна чыгууда. Кыргыз тарап дагы үч жылга ошондой эле программа аркылуу Эл аралык валюта кору менен кызматташууга кызыкдар болуп турат.
