ЖАЛАЛАБАД. Жыйында Фергана өрөөнүндө коопсуздукту камсыз кылуу проблемалары арбын экендиги айтылды. Ал маселелерге эл аралык терроризм, улут аралык мамиле, диний экстремизм, адам аткезчилиги, жасалма паспорт жасоо, баңгизат соодасы, кыргыз-өзбек жана кыргыз-тажик чек араларынын такталбагандыгы, ал жерлердеги мыйзамсыздыктарды кошууга болот. Диний экстремизм менен күрөшүүдө коомчулук кайдыгер абалда турат. 2001-2002-жылдары АКШнын "Детроит" аэропортунда, Сирияда жалалабаддык эки атуулдун наамына жазылган кыргыз паспорту менен жүргөн адамдар кармалган. Арстанбап айылында 2002-жылы куралдын көп түрлөрү бар үңкүр табылган. Жыйында жогорудагыдай проблемаларды талкуулоого жана чечүүгө мындан ары Өзбекстандын коңшу облустарынын да кызматтарын чакыруу сунушу айтылды.
