БИШКЕК. Бүгүн Бишкекте Кыргызстан элдик патриоттук кыймылынын уюштуруу жыйыны болду. Элүүдөн ашуун адам катышкан чогулушта укук коргоочу Турсунбек Акун сөз сүйлөп, бийлик менен оппозицияны сынга алды. Назарбек Нышановдун докладында болсо «бийлик алмашмайын абал оңолбойт» деген ой белгиленип, аны революциялык же тынчтык жол менен жасоо керекпи деген маселе коюлду. Жыйындын жүрүшүндө кыймылдын төрагалыгына Турсунбек Акун шайланып, уставы, кодекси кабыл алынды. Андан сырткары келерки жылдагы президенттик шайлоого кыймыл өз талапкери менен чыгаарын билдирип, талапкер катары Турсунбек Акунду атады.
