Германиянын Франкфурт-на-Майне шаарында кечээ бомба коркунучунан улам хорватиялык учактын жүргүнчүлөрү эвакуцияланды. Бирок текшере келгенде маалымат жалган экени аныкталды. Кечээ Германиянын "Люфтганза" авиакомпаниясынын учагына да жарылуу коркунучунан улам Будапешт шаарында чукул конууга туура келди. Борттогу 170ден ашуун жүргүнчүнүн баары эвакуацияланып, учак текшерүүдөн өткөрүлгөндө эч нерсе табылган жок. Учак Франкфурт-на-Майне – Стамбул каттамын аткарып жаткан.
