НАРЫН. Конференцияда партиянын иштери жана келечектеги милдеттери талкууланып, андан кийин уюштуруу маселеси каралды. Облустун ар бир районунан жана Нарын шаарынан чакырылган 30 делегаттын жыйырма үчү конференцияга келип катышкандыгы жыйында айтылды. Анда «Элет» партиясынын элеттиктердин турмуш шартын жакшыртуу, алардын кирешелерин көбөйтүү үчүн күрөшүү керектиги белгиленди. Жыйынтыгында партиянын облустук комитетинин төрагалыгына ардагер, Кыргыз Республикасынын айыл чарбасына эмгек сиңирген кызматкер Кемелгазы Ниязов шайланды.
