БИШКЕК. Бүгүн Бишкектеги «Консул» ресторанында «Кыргызстанды өнүктүрүү демократиялык партиясынын» түзүлүшүнүн бет ачар аземи өткөрүлдү. Партия Борбордук шайлоо комиссиясынын мурдагы башчысы, Кыргызстандын Малайзиядагы экс-элчиси Мамбетжунус Абыловдун жетекчилигинде түзүлгөн. Ал чогулган элге партиянын устав, программасы, келечек максаты менен тааныштырды. Анын айтымында, аталган партия мурдагы Кыргызстан ишкерлер партиясынын негизинде түзүлдү.
