Кыргызстанда жаңы Салык кодекси даярдалууда. Долбоор буга чейин бир катар жыйындарда талкууланып, ушу тапта атайын эксперттик топ келип түшкөн сунуштарды карап жатат. Жаңы кодекс авторлору салык төлөөчүлөрдүн пикирин эске алуу максатында долбоордун текстин Интернет сайтка жайгаштырган. «Азаттыктын» бүгүнкү «тегерек үстөл» аңгеме-дүкөнү жаңы Салык кодексин талкуулоого арналат. Ага каржы министрлигинин кирешелер комитетинин төрага орунбасары Адылбек Касымалиев, «Азат» корпорациясынын президенти Өмүрбек Абдырахманов, «Шоро» фирмасынын жетекчиси Табылды Эгембердиев катышты. Талкууну Бекташ Шамшиев алып барды.
