ЖАЛАЛАБАД. Коалициянын директорлор Кеңешинин кошмо жыйыны адилет шайлоо биримдигин түзүү менен өлкөдөгү өкмөттүк эмес баардык уюмдарга кайрылуу кабыл алды. "Адилет" шайлоо биримдиги үч милдетти көздөйт. Анын алкагында жергиликтүү жана Жогорку Кеңеш менен президенттик шайлолорго байкоо салуучу кыска жана узак мөөнөттөгү байкоочулар даярдалат. Өкмөттүк эмес уюмдардын өкүлдөрүн шайлоо комиссияларынын курамына киргизүү жана шайлоо мыйзамдарын элге окутуу иш-чаралары өткөрүлөт. Адилет шайлоо биримдигине облустагы бир нече бейөкмөт уюмдар киришти.
