Мындан бир нече күн мурда камакка алынган үч адамдын экөөнү Кытай жетекчилиги бүгүн бошотту. Алар 1989-жылы Бээжиндин Тянанмын аянтында болгон окуяларга катышкандардын туугандары болчу жана 3-4-июнда ал окуянын 15 жылдыгын белгилөөгө даярданып жаткан. АКШнын Мамлекеттик катчылыгы кармалгандарды бошотууну кечээ күнү талап кылган. 1989-жылы болгон жана демократияны талап кылган ал студенттик козголоңду Кытай өкмөтү күч менен басып, миңдеген адамдар курман болгон.
