АКШнын Флорида штатында өтүп жаткан дүйнөнүн эң өнүккөн жети өлкөсүнүн каржы министрлеринин жыйынында кечээ күнү Ирактын каржы министри Камил ал-Гайлани чыгып сүйлөп, октябрда убада кылынган 33 миллиард доллар жардамды Иракка тезиреек берүүнү суранды. Жети эң өнүккөн өлкө - АКШ, Алмания, Жапания, Италия, Канада, Улуу Британия жана Франция. Кечээ күнү АКШ президенти Жорж Буш - Ирактын кеңири кыруучу куралы тууралуу америкалык чалгындоо маалыматтары эмне үчүн так болбогонун изилдөө максатында атайын комиссия түзгөн.
