Италияда бүгүн жарым күндүк жалпы иш таштоо болуп өттү, аэропорт-вокзалдар, почталар менен мектептер жана башка ишкана-кеңселер иштебей, ооруканаларда тез жардам кызматкерлери гана орундарында болду. Миллиондогон италиялыктар бул аракет менен өкмөттүн пенсия реформасына каршы чыкты. Ал долбоор боюнча, пенсияга чыгуу жашы көтөрүлүш керек жана пенсия алуу үчүн жумушчулар жетиштүү жыл иштөөгө тийиш. Италиянын жүзгө жакын шаарында миңдеген адам көчөгө чыгып, демонстрация өткөрдү.
